புதுவையில் நடிகவேள் எம்.ஆர்.இராதா நூற்றாண்டு விழா

புதுச்சேரி பெரியார் திராவிடர் கழகத்தலைவர் திரு .லோகு. அய்யப்பன் உரையாற்றுகிறார்.



திரைப்பட இயக்குநர் திரு .சீமான் உரையாற்றிய போது.............

பெரியார் திராவிடர் கழகத்தலைவர் திரு கொளத்தூர் தா.செ.மணி அவர்களின் எழுச்சி உரையின் போது...............

திரளாக கலந்து கொண்ட மக்களின் ஒரு பகுதியினர்..............



தந்தைப் பெரியாரின் உண்மைத் தொண்டராகவும், பகுத்தறிவு கொள்கைகளை நாடகங்கள், திரைப்படங்கள், வாயிலாக பரப்பியவரும் தமிழ்த் திரை உலகின் ஈடு இணையற்ற நடிகருமான நடிகவேள் எம். ஆர், ராதா அவர்களின் நூற்றாண்டு விழா பொதுக்கூட்டம் 14 சூலை 2007 சனி மாலை அரியாங்குப்பத்தில் புதுச்சேரி மாநில பெரியார் திராவிடர்க் கழகம் சார்பில் நடைபெற்றது.

இக்கூட்டத்திற்கு பெரியார் திராவிடர்க் கழக துணைத்தலைவர் திரு. இரா. வீராச்சாமி தலைமை ஏற்றார் ஆ. ஆனந்தன், இரா.பெருமாள் முன்னிலை வகித்தனர்.

செ. சுரேசு வரவேற்புரையாற்றினார்.

நூற்றாண்டு விழா பொதுக்கூட்டத்தில் புதுச்சேரி மாநில பெரியார் திராவிடர்க் கழகத்தலைவர் லோகு. அய்யப்பன் தொடக்க உரை ஆற்றினார்.

பெரியார் திராவிடர் கழகத்தலைவர் தோழர். கொளத்தூர். தா. செ. மணி மற்றும், பெரியாரிய கொள்கைப் பற்றாளரும் திரைப்பட இயக்குனருமான சீமான் சிறப்புரையாற்றினாகள்.

பெரியார் திராவிடர்க் கழகத்தின் மாநிலச் செயலாளர் வி. விசைசங்கர், பொருளாளர் வீர மோகன், இளைஞர் அணி அமைப்பாளர் தந்தைப்பிரியன், இளைஞர் அணித் தலைவர் சா. சார்லசு, துணைச் செயலர் கோ. இராசேந்திரன் செய்தித் தொடர்பாளர் ம. இளங்கோ மற்றும் பெரியார் திராவிடர்க் கழகப் பொருப்பாளர்கள் கலந்து கொண்டு சிறப்பித்தனர்.

ச. தீனதயாளன் நன்றி கூறினார்.

எழுச்சிகரமாக நடந்த கூட்டத்தில் பெருந்திரளான மக்கள் கலந்து கொண்டு சிறப்பித்தனர்.

தந்தை பெரியாரின் போர் வாளாக விளங்கிய எம். ஆர். இராதா அவர்களின் ஈடு இணையற்ற தொண்டை போற்றுவோம்.

பெரியார் திராவிடர் கழக தலைவர் கொளத்தூர் மணி அவர்கள் "தமிழகம் முழுவதும் நடிகவேள் எம். ஆர். இராதா அவர்களின் நூற்றாண்டு விழா நடத்தப்படும்" என்று இக்கூட்டத்தில் அறிவித்தார்.